Ten geleide (bij de eerste druk in 1987)

De vieftiende april 1987 hebt de Dreintse Staoten de inhold van dit boekwark 'Drentse spelling' officieel erkend. Dat betiekende niet allent een tree veuruut veur de Dreintse taal, mar ok een markering: de vaststelling dat Drente tweitalig is en dat beide talen, het Nederlaands en Dreints, in Drente geliekweerdig an mekaar bint.
Dizze spellingsregeling is deur een warkploeg van Het Drents Genootschap, nao studie en aoverleg dat jaoren vreug, töt staand ekomen. In 1983 kwaamp der een eerste 'proeve' en nou de definitieve uutgave.
Daank an de warkploeg die hum jaorenlaank vrijwillig en belangeloos in-ezet hef um dizze belangrieke tree veuruut meugelijk te maken. Daank in 't bijzunder an Harrie slot die, as Dreintse streektaalwarker, veul wark op de achtergrond edaone hef.
Ok mut de onvermuibare inzet enuumd worden van (ex)gedippeteerde Jan Hollebeek Brouwer, die aalduer een geweldige bestuurlijke prikkel egeven hef en in zien leste staotenvergadering mitmaken much dat de 'Drentse spelling' een officiële status kreeg.
En dan wieder:
De officiële spelling komp in een tied dat het Naarding-Instituut - onder dak bij het Drents Genootschap - in 't ende komp in een mandielig verbaand um de Dreintse taal en cultuur wieder op glee te kriegen. Löt dizze spelling een bijdrage blieken te wezen veur een bluiende streektaal mit veul varianten.
Assen, 1987.

Informatie:
ISBN
: 978 90 6509 822 4
Auteur
: o.a. Harry Slot
Prijsinformatie:
Prijs per stuk:
€ 8,50
Aantal: Bestellen

Verzendkosten

€ 2,50